Im Rahme vom Jubiläum 130 Joor FCB finde in näggschter Zyt witeri Höhepünggt statt. In dere Mäldig findsch Infos zu de Aaläss und zu dr Aamäldemöglichkeit.
Im Rahme vom Jubiläum 130 Joor FCB finde in näggschter Zyt witeri Höhepünggt statt. In dere Mäldig findsch Infos zu de Aaläss und zu dr Aamäldemöglichkeit.
Imene multimediale Quiz luegt s Didi Offensiv uff die letschte 130 Joor zrugg und teschtet di FCB-Wüsse! Wär het dr FCB gründet? Worum het dr Zubi immer gschläggti Hoor gha? Und welle ehemolige FCB-Spieler het si Kater “Wodka” tauft? Sig drbi und brillier mit dim FCB-Wüsse – oder kunnsch doch ins Grüble?
Aamälde uff 130joor.ch/grueble
Mit dr Stiftigsgründig im Juli 2023 isch dr Startschuss für s FCB-Museum abgää worde. Zum Geburtsdaag vom FC Basel am 15. Novämber findet in dr Baloise Lounge vom Joggeli e Auktion vo unverkäuflige Priise statt. Dr generierti Ertrag wird vollumfänglig em Museum zuekoo und sorgt drmit für d Erhaltig und Pfläg vo dr Vereinshistorie. Offe isch ab 18.00h, dr Start isch am 18.30h.
D Priise, witeri Infos und s Aamäldigsformular findsch uff 130joor.ch/ersteigere
